மூன்று மீன்கள் - பஞ்ச தந்திர கதைகள்!

ஒரு குளத்தில் மூன்று மீன்கள் இருந்தன. வருமுன் காப்போன் , வருங்கால் காப்போன் , வந்தபின் காப்போன் என்பது அவற்றின் பெயர்கள். பல காலம் அவை நண்பர்களாக அந்த குளத்தில் வாழ்ந்து வந்தன.

ஒருமுறை மீன் பிடிக்கும் வலைஞர்கள் அந்த குளத்திற்கு வந்து சேர்ந்தனர். நாளை இந்தக் குளத்தில் மீன் பிடிக்கலாம் என்று கூறியபடி சென்றனர்.

இதனைக் கேட்டு கொண்டிருந்த வருமுன் காப்போன் தன்னுடைய நண்பர்களை அழைத்து. இங்கிருக்கும் சிறு கால்வாய் வழியே நாம் அருகிருக்கும் ஆறுக்கு சென்று விடலாம் என்று கூறியது. வருங்கால் காப்போனும் வந்தபின் காப்போனும் மீனவர்கள் வந்தால் பார்த்துக் கொள்ளலாம் சமயத்துக்கு ஏற்றாற்போல ஏதாவது தந்திரம் செய்து கொள்ளலாம் என்று அலட்சியமாக கூறியது.

இதனால் வருமுன் காப்போன் முன்பே தன்னை காப்பாற்றி கொள்ள அருகில் இருக்கும் ஏரிக்கு சென்று விட்டது. சொல்லியபடி மீனவர்கள் அடுத்த நாள் அந்த குளத்திற்கு வந்தார்கள் . அப்போது வலையில் அகப்பட்ட வந்தபின் காப்போன் இறந்த மீன் போல விரைத்து கிடைக்கவே மீனவர்கள் அதனை கரையில் வீசினர். அங்கிருந்து தப்பித்த வருங்கால் காப்போன் மீண்டும் நீருக்குள் சென்று ஒளிந்து கொண்டது.

வந்த பின் காப்போனுக்கு அப்போதைய நிலைமையில் என்ன செய்வது என தெரியாமல் மற்ற மீன்களுடன் சேர்ந்து வலையில் மாட்டி இறந்து போனது.

நீதி : பிரச்னை வரும் முன்பே சிந்திப்பவன் உறுதியாக பிழைத்த கொள்கிறான். அவ்வப்போது சிந்தித்து வேலை செய்பவனும் சமயத்துக்கு ஏற்றாற்போல தன்னைக் காத்துக் கொள்வான். ஆனால் எப்போதுமே சிந்திக்காதவனை காப்பாற்ற முடியாது.